By: حمیرا راحتؔ
بارش کے قطرے کے دکھ سے ناواقف ہو
تم ہنستے چہرے کے دکھ سے ناواقف ہو
تم نے صرف بچھڑ جانے کا کرب سہا ہے
پا کر کھو دینے کے دکھ سے ناواقف ہو
ایک ہی چھت کے نیچے رہتے ہیں ہم لیکن
تم میرے لہجے کے دکھ سے ناواقف ہو
ساتھ کسی کے رہ کر جو تنہا کٹتا ہے
تم ایسے لمحے کے دکھ سے ناواقف ہو
ہاتھوں کی چوڑی کی زبان سمجھ لیتے ہو
پھیلے ہوئے گجرے کے دکھ سے ناواقف ہو
جو منزل تک جا کے اور کہیں مڑ جائے
تم ایسے رستے کے دکھ سے ناواقف ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?