By: Azra Naz
بڑھنا ہے گر تجھے تو نہ پیچھے پلٹ کے دیکھ
بیتے ہوۓ دِنوں کے نہ صفحے اُلٹ کے دیکھ
دریا ہے تو اگر تو بپھرتا ہے کس لیۓ ؟
ساحل کے بازوؤں میں کسی دِن سمٹ کے دیکھ
مر مر کے زندگی کا تجربہ نہیں تجھے
بد قسمتی سے تو کبھی اپنوں سے کٹ کے دیکھ
پڑھنی ہے گر تجھے کسی عورت کی زندگی
اس کی طرح سے تو کیٔ ٹکڑوں میں بٹ کے دیکھ
آیٰٔںٔ گی تجھ کو خوبیاں میری نظر سبھی
نفرت بھری نگاہ سے اِک روز ہٹ کے دیکھ
مشکل نہیں ہیں اِس قدر باہر کی شورشیں
اندر کی جنگ سے تو کِسی دِن نِمٹ کے دیکھ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?