By: Azra Naz
زمیں پاؤں کے نیچے اور سر پہ آسماں ہوتا
ہمارا بھی کہیں اے کاش کوئی آشیاں ہوتا
خود اپنے ہاتھ سے ہم دِل کو پہلوُ سے جدُا کرتے
اگر دِل پہ ہمیں اندیشۂ آہ و فغاں ہوتا
یہاں ہر شے بدلتی ہے مگر بدلا نہ دِل اپنا
بدلتے موسموں پہ کِس طرح دِل کا گماں ہوتا
خدا کا شکر وہ وعدہ نبھانے آ گئے ورنہ
ہمارے دِل کا عالم صوُرتِ رنگِ خزاں ہوتا
ہمارا اِس طرح ملنا تھا قِسمت میں لکھا ورنہ
نجانے ہم کہاں ہوتے نجانے وہ کہاں ہوتا
لپٹ کے ہم اگر دیوار و در سے رو لئے ہوتے
ہماری بے قراری کا کوئی تو رازداں ہوتا
جدایٔ کا سبب پوچھے کویٔ تو کیا بتائیں ہم ؟
وجہ تو مل گئی ہوتی جو کویٔ درمیاں ہوتا
رہی ہے زندگی بھر مجھ کو تو بس ایک ہی حسرت
جو میرا ہمسفر ہے کاش میرا ہم زباں ہوتا
مرے دل کی کوئی گر ایک بھی حسرت نکل جاتی
نہ ٹھہرا آج دِل میں حسرتوں کا کارواں ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?