By: Fazli
اب وہ مہکی ہوئی سی رات نہیں
بات کیا ہے کہ اب وہ بات نہیں
پھر وہی جاگنا ہے دن کی طرح
رات ہے اور جیسے رات نہیں
بات اپنی تمہیں نہ یاد رہی
خیر جانے دو کوئی بات نہیں
پھر بھی دل کو بڑی امیدیں ہیں
گو بظاہر تواقعات نہیں
عشق ہوتا ہے خودبخود پیدا
عشق کے کچھ لوازمات نہیں
ایسے فضلی کے شعر کم ہوں گے
جن میں کچھ دل کی واردات نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?