By: Basheer Badr
اَلف اَلف ہے اسے شین قاف کرتے نہیں
دل و دماغ میرے اختلاف کرتے نہیں
ذہین سانپ سدا آستیں میں رہتے ہیں
زباں سے کہتے ہیں دل سے معاف کرتے ہیں
یہ دل ہے کمرے کی بتی بُجھا کے سوتا ہے
مگر دماغ کا ہم مین آف کرتے نہیں
ذرا سی بات پہ ہفتوں اداس رہتے ہیں
اس آئینے کو کئی روز صاف کرتے نہیں
کہو تو اوس بچھا دیں سحر کی پلکوں پر
غزل، غزل ہے اسے ہم لحاف کرتے نہیں
خراج لیتے ہیں لیکن ذرا سلیقے سے
کسی وزیر کے گھر کا طواف کرتے نہیں
اسد سے کہیو کہ اب ترجمے حذف کر دیں
کہ ڈپلیکٹ کا ہم اعتراف کرتے نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?