By: Shabbir Rana
ہے حوصلہ ہمارا شبیر کے سہارے
مل جائے گا کنارا شبیر کے سہارے
سامنے عدو تھے اور جبر کوبہ کو تھے
میں ہو گیا صف آرا شبیر کے سہارے
بے رحمی اور شقاوت اہل جہاں نے کی ہے
کیے سارے غم گوارا شبیر کے سہارے
جمگھٹ تھا اشقیا کا ملی کوفے کی اسیری
عرصہ وہاں گزارا شبیر کے سہارے
تیری عنایتوں سے ارض وطن ہو یا رب
راحت کا اک گہوارہ شبیر کے سہارے
درماندہ رہرو اور کالی کٹھن مسافت
ہے چل پڑا بے چارہ شبیر کے سہارے
سیل زماں نے جب بھی گرداب میں گرایا
قسمت کو ہے سنوارا شبیر کے سہارے
یاس و ہراس سب کچھ اہل جفا نے دے دی
رحمت کا تھا اشارہ شبیر کے سہارے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?