By: وشمہ خان وشمہ
دور و نزدیک ہو نہیں سکتے
تیری یادوں کو کھو نہیں سکتے
ہنستے رہتے ہیں کس قدر تنہا
تیری فرقت میں رو نہیں سکتے
دشتِ حیرت میں ہر گھڑی جاناں
بیچ حسرت کے بو نہیں سکتے
تیری یادوں میں روتے رہتے ہیں
رات بھر ہم تو سو نہیں سکتے
غم کی طغیانیوں میں چاہت کا
ہم سفینہ ڈبو نہیں سکتے
دکھ تو یہ ہے سپیدہ کپڑوں سے
داغ تہمت کے دھو نہیں سکتے
وصل الفت کے اب یہاں وشمہ
ہم بھی موتی پرو نہیں سکتے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?