By: عبدالحفیظ اثر
چلو چلو چلے چلو بڑھو بڑھو بڑھے چلو
نہ دل میں کچھ ملال ہو خوشی خوشی چلے چلو
ملیں گی ان کو منزلیں جو کاہلی سے دور ہیں
ملیں گی ان کو منزلیں جو بے حِسی سے دور ہیں
نہ ہوں کبھی ملول بس گرہ یہ باندھتے چلو
چلو چلو چلے چلو بڑھو بڑھو بڑھے چلو
ملیں گی راہیں پر خطر نہ ماتھے پر شکن بھی ہو
ملیں گی راہیں پر کٹھن نہ تو کبھی تھکن بھی ہو
بڑھے قدم نہ پیچھے لو ہدف نظر میں لے چلو
چلو چلو چلے چلو بڑھو بڑھو بڑھے چلو
کبھی ملیں رکاوٹیں نہ کوئی خوف ان سے ہو
جو سامنے ہوں دقتیں نہ کوئی ضعف ان سے ہو
رواں دواں رہے سفر تو کارواں لئے چلو
چلو چلو چلے چلو بڑھو بڑھو بڑھے چلو
جو عزم اپنا پختہ ہو ہدف نہ دور ہو کبھی
قدم نہ ڈگمگائے بس رہے یہ بات لازمی
اسی کی اپنی ہو سعی دلوں کو جوڑتے چلو
چلو چلو چلے چلو بڑھو بڑھو بڑھے چلو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?