By: Dr.Muhammed Husain Mushahid Razvi
پھیلی اُنھیں سے دین کی تنویر ہرطرف
توحید کی نبی نے کی تشہیر ہرطرف
اصنام اوندھے منہ گرے میلادِ نبی پر
گونجا جہاں میں نعرۂ تکبیر ہرطرف
ظالم کا سرنگوں ہوا میلادِ نبی سے
کج مج دلوں کی ہوگئی تطہیر ہرطرف
وہ جن کو سرکشی میں عروج و کمال تھا
اسلام لاے ہوگئی توقیر ہرطرف
آے جو آپ ، ٹوٹ کے فوراً بکھر گئی
لات و ہُبل و کفر کی زنجیر ہرطرف
بیواوں اور یتیموں کی نصرت نبی نے کی
کمزوروں کو عطا ہوئی توقیر ہرطرف
اہلِ سُنن کے یومِ ولادت پہ دیکھیے
مصروفِ خوشی سارے جواں پیر ہرطرف
طیبہ پہ جو قدم پڑے محبوبِ خدا کے
پَل میں وہ خاک ہوگئی اکسیر ہرطرف
فیضِ رضا ہے مجھ پہ مُشاہدؔ اسی لیے
کرتا ہوں نعتِ پاک جو تحریر ہرطرف
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?