By: فنا نظامی کانپوری
کوئی سمجھے گا کیا راز گلشن
جب تک الجھے نہ کانٹوں سے دامن
یک بیک سامنے آ نہ جانا
رک نہ جائے کہیں دل کی دھڑکن
گل تو گل خار تک چن لیے ہیں
پھر بھی خالی ہے گلچیں کا دامن
کتنی آرائش آشیانہ
ٹوٹ جائے نہ شاخ نشیمن
عظمت آشیانہ بڑھا دی
برق کو دوست سمجھوں کہ دشمن
ان گلوں سے تو کانٹے ہی اچھے
جن سے ہوتی ہو توہین گلشن
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?