By: Ahmed Faraz
ہر دوا، درد کو بڑھا ہی دے
اب تو اے دل اُسے بُھلا ہی دے
لٹُنے والے سے یُوں گریز نہ کر
کیا خبر، وہ تُجھے دُعا ہی دے
جس کے چہرے پہ میری آنکھیں ہیں
وہ مجھے طعنِ کم نگاہی دے
یہ بھی اِک شیوہِ رفاقت ہے
جانے والوں کو راستہ ہی دے
جانکنی کے عذاب سے نکلوں
آخری تیر بھی چلا ہی دے
اب تو جیسے فراز بادِ مراد
زندگی کا دِیا بُجھا ہی دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?