By: فیصل سعید فیصلؔ
چشمِ قاتِل کو سرِ بزم یوں حیراں پاکر
دل پَرِیشاں رہا قاتِل کو پَرِیشاں پا کر
ڈھونڈیے گا تو نہ مل پائے گا مثلِ عَنْقا
سوزِ دل ساز ہوا سِینَۂِ سوزاں پاکر
حَشْر پر اس نے اٹھا رکھی ہے خود سوزیِ دل
قَیس ناشاد ہے یوں زِیسْت کو آساں پاکر
دِل نے وہ شور بَپا کُنْجِ شبِ ہائے قَفَس
نَوحَہ گَر چپ نہ رہا گورِ غَرِیباں پا کر
دامَنِ دَشْت سے اٹھتا ہے فُسُوں کا چرچا
عِشْق مَشْہُور ہوا چاک گِریباں پاکر
حُسنِ جاں سوز کے آنے کا گُماں ہوتا ہے
رُوح بے چین ہے تُرْبَت پہ چَراغاں پا کر
اسمِ شبیر رہا اپنا وظیفہ فیصلؔ
جی مچلتا ہے مرا تیغ کو عُرْیاں پاکر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?