By: Shahbaz Latif Vicky
پھڑ کے تے اونہاں مینوں تھلے لیا رکھ نی
سُج کے پڑولا ہوئی سجی میری اَکھ نی
مینوں مارے نیں کسُن دتا کندھ وچ تُن
سجی گل دا چباڑا میرا ٹُٹیا
تیرے نی پراواں مینوں کٹیا تے کُٹ مار کے گلی دے وچ سُٹیا
ہٹے کٹے چوٹے جئے پراواں دی توں پین نی
کھا لیا اے ماس میرا بن کے توں ڈائن نی
مینوں کھوتی تے بٹھایا ہار چھتراں دا پایا
میرا انگ انگ چور کر سٹیا
تیرے نی پراواں مینوں کٹیا تے کُٹ مار کے گلی دے وچ سُٹیا
اللہ کرے پین تینوں کیڑے چٹے لمے نی
تیرے جئی کمینی رن کیتے وی نہ جمے نی
تینوں کُتے وڈھ خان تینوں جلے نا جہان
تیرا دنیا توں بوٹا جاوے پُٹیا
تیرے نی پراواں مینوں کٹیا تے کُٹ مار کے گلی دے وچ سُٹیا
اکھ دے اشارے نال آپ توں بلایا سی
آکھا من تیرا میں تے چھیتی نال آیا سی
میری کھُمب توں ٹھکائی تیری مر جاوے تائی
کیہڑا الائچیاں دا باغ تیرا پُٹیا
تیرے نی پراواں مینوں کٹیا تے کُٹ مار کے گلی دے وچ سُٹیا
سوکھیاں نیں ہوندیاں یاریاں نبھاونیاں
کُٹ کھا کے میندیاں نیں پیتاں بھتونیاں
جدوں چھتر جاندے پہ ساری مست جاندی لے
لوکی کہندے نیں پراں ہٹ کُتیا
تیرے نی پراواں مینوں کٹیا تے کُٹ مار کے گلی دے وچ سُٹیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?