By: وشمہ خان وشمہ
جو اپنے دل کا راز چھپانے میں رہ گئے
ہم اب تلک اسی کے فسانے میں رہ گئے
ہم اپنے ہی خیال کےمنظر میں قید تھے
ہم اپنے دل کا پنچھی اڑانے میں رہ گئے
ہم پوجتے تھے جس کو وہ بت ٹوٹ بھی چکا
پھر بھی اسی کے دیکھو زمانے میں رہ گئے
رکھے ہوئے ہیں گھر میں اداسی کے کچھ چراغ
جن کو ہوا کے ہاتھ بجھانے میں رہ گئے
کچھ تو غمِ حیات کی آنکھوں نے پڑھ لئے
کچھ زندگی کے قصے ، فسانے میں رہ گئے
خونِ جگر میں ہاتھ تھے اپنے اسی لئے
شعر و غزل ہی ہم تو سنانے میں رہ گئے
جس زندگی کی بھیڑ میں وشمہ جی گم تھے ہم
اس زندگی کو اپنا بنانے میں رہ گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?