By: Sidra Subhan
حبس و نجس کے بحر صفا میں
زیست کی اس بد رنگ قبا میں
کفر کی اس گھنگور گھٹا میں
جنگ و جدل کی وحشی ہوا میں
ذات کا بھیدی کون بنے گا
اگلا ایدھی کون بنے گا؟
تم کو فقط مالی کا غم ہے
لیکن فکر چمن کیا کم ہے؟
سہمی کلیاں، ٹوٹے پتے
صبا میں دہشت رنج الم ہے
درد کے اس ماحول میں خوشبو
سب پھولوں سے پوچھ رہی ہے
ذات کا بھیدی کون بنے گا
اگلا ایدھی کون بنے گا؟
مجھ پر بھی ایدھی کا دم ہے
دل میں اک خواہش پیہم ہے
سچ ہے اتنا کام نہ ہو گا
ایدھی جیسا نام نہ ہو گا
لیکن میرے ایدھی پن کا
اس سے اچھا انجام نہ ہو گا
ذات کا بھیدی میں بنوں گا
اگلا ایدھی میں بنوں گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?