By: dr.zahid Sheikh
اے گاؤں کی گوری تیری پائل کی یہ چھم چھم
دل میرا چراتی ہے سناتی ہے یوں سرگم
گاگر کو اٹھائے ہوئے لچکاتی بدن کو
چل دی ہے کہاں ٹھوڑی سی تو دیر ذرا تھم
پنگھٹ پہ ہیں سکھیاں تری امبوا کے تلے مل
آئی ہے گھڑی پیار کی ملتی ہے یہ کم کم
ساون کی گھٹا جھوم کے آئی ہے ذرا دیکھ
پھر تجھ کو بلانے لگا برسات کا موسم
بن تیرے اداسی میں گزرتے ہیں یہ دن رات
اک درد بھی ہوتا ہے مرے سینے میں مدھم
اے گاؤں کی گوری تیری پائل کی یہ چھم چھم
دل میرا چراتی ہے سناتی ہے یوں سرگم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?