By: Azra Naz
خدایا اُس کو میری چاہتوں سے آشنا کر دے
نہیں تو مجھ کو ساری خواہشوں سے ماورا کر دے
زباں دے کر مجھے دیتا ہے کیوں حکمِ زباں بندی
دھڑکتا ہے اگر دِل تو اُسے بھی بے صدا کر دے
دیا ہے مشورہ اکثر مجھے دل نے ، محبت میں
نہیں ملتی پذیرایٔ تو جذبوں کو فنا کر دے
کٹے گی عمر کیسے ایک ہی چھت کے تلے آخر ؟
جو میرا ہمسفر ہے اُس کو میرا ہمنوا کر دے
وہ دشمن ہے تو کھل کر دشمنی پہ کیوں نہیں آ تا ؟
اگر وہ دوست ہے تو دوستی کا حق ادا کر دے
وہ مل جاۓ کہیں عذراؔ تو اُس کو یہ بتانا ہے
وہ چاہت ہی نہیں ہوتی جو پابندِ انا کر دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?