By: SN Makhmoor
بکھرتی رات جب شبنم سے سجتی ہے
مری پلکوں سے اشکوں کو وہ چنتی ہے
چراغ ِ ہجر میں جلتا ہے دل میرا
ہوا جب موسم ِ سرما کی چلتی ہے
زماں میں منجمد دریا جو ہوتے ہیں
تو اشکوں میں روانی خوب ہوتی ہے
زماں سمجھے فلک سے اوس ہے اتری
زمیں گل کی مرے اشکوں سے سجتی ہے
ردائے کہر میں چھپتی سحر اکثر
ٹھٹھرتی رات کی آہوں کو سنتی ہے
دسمبر میں نہ جانے کیا ہوا ایسا
سلگتی جاں ، نظر بھیگی ہی ملتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?