By: mannan bijnori
گھٹن ملال الم شوق مئسکرانے کا
مری غزل میں ہے سب کچھ مرے زمانے کا
کس اہتمام سے اڑتے ہیں مل کے لاکھوں طیور
سلیقہ چاہئے اپنی ڈگر بنانے کا
سگار پیتے ہیں ہم نے کبھی شراب نہ پی
دھویں سے کام لیا بزمِ غم سجانےکا
ہوس سے پاک ہے شہرِ گراں میں عشقِ غریب
کہ اچھا خاصہ کرایہ ہے وصل خانے کا
حصولِ یافت کو معشوق کر لیا ہم نے
عجیب لطف ہے اس یار کو منانے کا
ہیں اقتدار کے خواہاں یہ ماہرینِ فساد
بہانہ ڈھونڈ تے رہتے ہیں ورغلانے کا
وہی ہے خصلتِ انساں وہی وتیرئہِ شر
جدید عہد نیا عکس ہے پرانے کا
دکانِ تذکئہِ قلب قفل خواہ ہوئ
سبب ہے مال نہ بکنا دکاں بڑھانے کا
وہ ساری خوبیاں منان ترک کر دی ہیں
گمان جن پہ تھا انسانیت گنوانے کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?