By: Dr.Zahid sheikh
تمھاری یاد ستاتی ہے رات بھر جاناں
کبھی تو بھولے سے آ جاؤ تم ادھر جاناں
تمھاری یاد میں شب بھر آوارہ پھرتا ہوں
مجھے تو اچھا ہی لگتا نہیں ہے گھر جاناں
تمھاری آنکھیں تو چپکے سے وار کرتی ہیں
تمھاری آنکھوں نے گھائل کیا جگر جاناں
تمھارے پیروں کی خاطر گلاب لایا ہوں
تمھارے پیروں کو میں چوم لوں اگر جاناں؟
اب اور کوئی مہک میرے دل کو بھاتی نہیں
تمھاری سانسوں نے کیسا کیا سحر جاناں
لگا کے سینے لبوں کے پلا دو جام ذرا
یوں آج کر دو محبت کو تم امر جاناں
تمھاری یاد ستاتی ہے رات بھر جاناں
کبھی تو بھولے سے آ جاؤ تم ادھر جاناں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?