By: Hafeez Javed
میں جب اُن سے کہتا ہوں
مجھے تم سے محبت ہے
نفی میں سر ہلاتے ہیں
نگاہوں کو جھکاتے ہیں
ہتھیلی سامنے رکھ کے
کسی کا نام لکھتے ہیں
مُٹھی بند کرتے ہیں
آنکھوں سے لگاتے ہیں
پھر اُس کو چوم لیتے ہیں
اچانک بول اُٹھتے ہیں
مُجھے اس سے محبت ہے
یہی تو میرا سب کچھ ہے
یہ سب کچھ سامنے پا کے
میں بے زار ہوتا ہوں
مُجھے بے زار پاتے ہیں
تو خود بھی رہ نہیں پاتے
مُٹھی کھول دیتے ہیں
جو مُٹھی کھول دیتے ہیں
میرا ہی نام ہوتا ہے
مُجھے وُہ یوں ستاتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?