By: Muhammad Zia Siddiqui
اے میرے خدا اے میرے خدا
نہیں کوئی بھی تیرا ہمسرا
تیرے سامنے یہ ہے بےنوا
اسے رحمتوں سےنواز دے
اے میرے خدا اے میرے خدا
تیری ابتدا تیری انتہا
میری سوچ سے بھی ہے ماوریٰ
نہیں حمد لائق یہ منہ میرا
مجھے بندگی کا لحاظ دے
اے میرے خدا اے میرےخدا
تو ہے لامکاں تو ہے جابجا
کوئی وسعتوں کو نہ پاسکا
ہے طلب میری! یہی التجا
مجھے اپنی ہستی کا راز دے
اے میرے خدا اے میرے خدا
تو ہے مہرباں رب العلی
دوجہاں کو ہے تیرا آسرا
یہی عرض میری جہاں پناہ
کہ ضیا کو اپنی معاذ دے
اے میرے خدا اے میرے خدا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?