By: rafiq sandeelvi
گمشدہ بچے کے پیچھے اک خلا رہ جائے گا
صحن میں خالی پنگھوڑا،جھولتا رہ جائے گا
کشتیوں میں سب براتی ڈوب کر مر جائیں گے
اور ہوا کے ساتھ ساحل چیختا رہ جائے گا
فاصلہ خرگوش اب کے طے کرے گا جاگ کر
راستے کے بیچ کچھوا رینگتا رہ جائے گا
فیصلے میں اس قدر تاخیر برتی جائے گی
عمر بھر ملزم کٹہرے میں کھڑا رہ جائے گا
اجنبی کنبہ مجھے بے دخل کر دے گا رفیق
صرف میرا نام تختی پر لکھا رہ جائے گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?