By: Dr.Zahid Sheikh
کہاں لے جاؤں یہ جذبات ، ہے کہاں آ جا
سلگ رہی ہیں تمنائیں میری جاں آ جا
ترے لبوں کی حلاوت جو میرے پاس نہیں
تو کیسے کہہ دوں طبیعت مری اداس نہیں
برس رہی ہیں گھٹائیں مگر ہوں میں تنہا
ترے بغیر یہ موسم بھی مجھ کو راس نہیں
ہیں سرد رات میں جذبے مرے جواں آ جا
سلگ رہی ہیں تمنائیں میری جاں آ جا
آ چوم لوں تری زلفوں کو پیار سے آجا
اڑا دے ہوش مرے ایسے مجھ پہ تو چھا جا
رہے نہ تھوڑی بھی دوری قریب یوں آئیں
بنے تو رانی مری اور میں ترا راجہ
مجھے تو چاہیے بس تیری ایک ہاں آ جا
سلگ رہی ہیں تمنائیں میری جاں آ جا
ترے بدن کی مہک آ رہی ہے سانسوں میں
گلاب کھلنے لگے ہیں مرے خیالوں میں
تری نگاہوں کی مستی ہے یا شراب کوئی
آ ایک دوجے کو لے لیں ہم اپنی بانہوں میں
قریب آ کے مٹا دے یہ دور یاں آ جا
سلگ رہی ہیں تمنائیں مری جاں آ جا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?