By: muhammad nawaz
تمہارے دل کے تار کو اگر چھوا ہی نہیں
تو سمجھ لو میں ابھی زندگی جیا ہی نہیں
ہزار بار لکیروں سے الجھنا چاہا
میری تقدیر میں شاید تیری وفا ہی نہیں
تم سے بچھڑا تو یہی بھید آشکار ہوا
جینے کا اور بہانہ تو پاس تھا ہی نہیں
کہاں کو جاؤں ۔ کہاں پر سکوں تلاش کروں
تیرے سوا تو کسی اور کو سوچا ہی نہیں
میں اپنی سوچ کی تعبیر لے کے کیا کرتا
تمہاری دھڑکنوں نے خواب گر بنا ہی نہیں
زندگی بیتی اسی لفظ کے مداروں میں
وہ ایک لفظ جو تم سے کبھی کہا ہی نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?