By: عبیداللہ عبدی
اپنے آپ پہ چادر اوڑھ کے چاندنی رات بناؤں گا
اور محبوب سے صبح تلک باتوں میں وقت بتاؤں گا
تاکہ عدم موجودگی میں تجھ کو سُونا پن گھیر نہ لے
میں دفتر جانے سے پہلے ماتھا چوم کے جاؤں گا
شاید قدرت کی وہ رضا سمجھے اور اپنا لے مجھ کو
قصداً اپنی گھڑی میں اس کا دوپٹہ اٹکاؤں گا
نفسا نفسی کے عالم میں محبت کی افزائش کو
رب طاقت دے تو تجھ جیسے ہر بستی میں بناؤں گا
اس کے جسمِ اطہر کی شیرینی جاننے کو عبدی
میں سب سے پہلے نظریں، پھر دل، پھر ہونٹ ملاؤں گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?