By: Rana Tabassum Pasha(Daur)
دھرتی پیاسی ہے
کتنی صدیوں سے دھرتی پیاسی ہے
اور دھرتی کی یہ پیاس
ساون کی رُت نہ مٹائے
بھادوں کی بوچھاڑ نہ بجھائے
یہ ہنگام ِ ابر ِ باراں
یہ تو پیاس اور بڑھائے
دھرتی کے سینے میں آگ لگائے
جنم جنم کی یہ پیاس
لمحہ لمحہ کی یہ آگ
یہ تو اپنا خراج ہے مانگے
انسان کا لہو بہتا جائے
پیاس یہ پھر بھی بڑھتی جائے
آگ یہ پھر بھی بُجھ نہ پائے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?