By: muhammad nawaz
دیکھ پورا ہو رہا ہے ایک ہو جانے کا خواب
کون کہتا تھا مری خواہش کو دیوانے کا خواب
یوں تو اپنی دسترس میں ہیں منازل بھی مگر
ساری تعبیروں پہ بھاری اک ترے آنے کا خواب
زندگی شعلے کی تابانی سے ہٹ کر بھی تو ہے
موم کے آنسو کے نیچے دیکھ پروانے کا خواب
آرزو ایسی کہ ایسی۔ خوش گمانی الایماں
ہائے یہ تشنہ لبی آنکھوں میں پیمانے کا خواب
کب سے اپنی ذات میں رکھے ہوئے تھا بال و پر
شجر کی ہر شاخ پر رقصاں ہے لو دانے کا خواب
آج بھی حاصل متاع غیر ہے میرے لئے
آج بھی میرا مقدر ہے تجھے پانے کا خواب
دیکھنا اک دن بقا ڈھونڈے گی ان سے زندگی
قیس کا لاشہ پڑا ہے اور ویرانے کا خواب
پوچھئے مجھ سے کبھی اس شوق استغراق میں
کس کی آنکھوں میں سمٹ آیا تھا میخانے کا خواب
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?