By: Shabbir Nazish
صدائے خامشی پھیلی ہوئی ہے
فضا میں سنسنی پھیلی ہوئی ہے
کہاں تک سلسلہ ہے کُن فکاں کا
کہاں تک زندگی پھیلی ہوئی ہے
رگِ جاں سے جہانِ دیگراں تک
کسی کی دلبری پھیلی ہوئی ہے
حصارِ عشق میں دو سائے رقصاں
حرم میں چاندنی پھیلی ہوئی ہے
سراسر آسماں پھیلا ہُوا ہے
زمیں تو سرسری پھیلی ہوئی ہے
لبوں پر لگ چکے ہیں قُفل جیسے
رگوں میں بے حسی پھیلی ہوئی ہے
اُسی اِک اَن کہی کا دُکھ ہے نازش
وہی اِک اَن کہی پھیلی ہوئی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?