By: Dr.Zahid Sheikh
غریبوں سے ،یتیموں سے محبت ہو تو اچھا ہے
سبھی مظلوم انسانوں سے الفت ہو تو اچھا ہے
جہاں بھر کے دکھوں کو آؤ ہم مل کر مٹا ڈالیں
محبت بانٹ دیں دنیا میں روتوں کو ہنسا ڈالیں
ہمیں ظلم و ستم سے دوست ! نفرت ہو تو اچھا ہے
سبھی مظلوم انسانوں سے الفت ہو تو اچھا ہے
غزہ میں ہر فلسطینی پہ یاروں زندگی تنگ ہے
یہودی نے مسلمانوں سے پھر اب چھیڑ دی جنگ ہے
درندوں کی سفاکی سے بغاوت ہو تو اچھا ہے
سبھی مظلوم انسانوں سے الفت ہو تو اچھا ہے
زمیں کو اپنے ہاتھوں سے ہی دوزخ کیوں بنا ڈالا
سہانے موسموں اور منظروں کو کیوں مٹا ڈالا
تباہی دیکھ کر جنگوں کی عبرت ہو تو اچھا ہے
سبھی مظلوم انسانوں سے الفت ہو تو اچھا ہے
غریبوں سے،یتیموں سے محبت ہو تو اچھا ہے
سبھی مظلوم انسانوں سے الفت ہو تو اچھا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?