By: وشمہ خان وشمہ
ملتے تھے جس جگہ وہ ٹھکانہ بدل گیا
اب عاشقی کا یار زمانہ بدل گیا
افسوس ہے کہ پھر مری نظروں کے تیر سے
اس بار بھی یہ میرا نشانہ بدل گیا
میں بانٹتی رہی ہوں محبت کی تتلیاں
وہ نفرتوں سے میرا زمانہ بدل گیا
حاکم کے ہاتھ سے تو اب محفوظ کچھ نہیں
میرے وطن کا قومی ترانہ بدل گیا
میری بھی سوچ و فکر کے بدلے ہیں قافلے
اندازِ زندگی بھی پرانا بدل گیا
کچھ روز سے ہیں میر ے لہجے میں تلخیاں
کچھ روز سے مجھے وہ جلانا بدل گیا
اے وشمہ خان تیری محبت کی خیر ہو
افسوس ہے کہ تیرا دیوانہ بدل گیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?