By: Dr. Khurshid Ahmed Bazmi
ظلمتِ شب ٹھہ گئی ہے
دل میں وحشت اترگئی ہے
نہیں آثارِ سحر کوئی
رات کب کی گزر گئی ہے
موت سے کیا گلہ ، یہاں تو
زندگی ہاتھ کر گئی ہے
سبک رفتار تھی جوانی
کب یہ آئی کدھر گئی ہے
آج کی بات ڈالی کل پر
کل بھی یونہی گزر گئی ہے
بد دعا تھی کسی کی شاید
ہر دعا بے اثر گئی ہے
نہ لگی آنکھ میری، جب سے
تجھکو چھو کر نظر گئی ہے
دوستوں کی ہے مہربانی
دشمنوں کو خبر گئی ہے
آج بچھڑوں کی یاد آئی
آج پھر آنکھ بھر گئی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?