By: Azra Naz
سماعت میں صدا اُبھری ہے کویٔ ان سنی جیسے
تِری آواز کی پھیلی ہے ہر سوُ روشنی جیسے
زمیں پر بانٹ دیں سوُرج نے اپنی نقریٔ کِرنیں
پرندوں نے فضاؤں میں ہے چھیڑی راگنی جیسے
چھوُا ہے روشنی کے ہاتھ نے جب سے بدن میرا
رگوں میں دوڑتی پھرِتی ہے اب تو چاندنی جیسے
میں پڑھتی جا رہی ہوں جیسے جیسے ہر خبر تازہ
ذہن میں پھیلتی جاتی ہے کویٔ سنسنی جیسے
سرِ رہ آج رہ رہ کر مِرا آ نچل اُڑاتی ہیں
ہواؤں کو بھی مجھ سے ہو گیٔ ہے دُشمنی جیسے
تجھے ہوتا ہے جب در پیش کویٔ بھی مفاد اپنا
تِرے لہجے میں گھلُ جاتی ہے کویٔ چاشنی جیسے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?