By: سیدہ سعدیہ عنبر جیلانی
حسن زر تے یار دا اعتبار نئیں
عشق ویکھدا پر کوئی معیار نئیں
قیمت لگدی اے ایتھے محبتاں دی
سچا جزبہ کوئی وچ بازار نئیں
اوہدا بھلنا پیا دسدا اے
اوہنوں ہن ساڈے ناں پیار نئیں
رسمن تعلق دی نبھا دے وچ
کوئی ہوندا تے اینا بے قرار نئیں
میرے متر دی عنایت لگدی اے
دشمن میرا تے اینا عیار نئیں
بے وجہ نئیں بنایا رب نے کوئی
اک ذرا وی سن بے کار نئیں
اکھیاں میریاں وچ ویکھ کے پڑھ مینوں
میری ذات وچ کوئی اسرار نئیں
مفت پاون نوں ہر کوئی حاضر عنبر
کجھ لگن نوں کوئی تیار نئیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?