By: Dr.Muhammed Husain Mushahid Razvi
شان اُن کی دیکھیں گے لوگ سارے محشر میں
ذات اک خدا کی اور ایک آپ منظر میں
خوفِ حدّتِ محشر کیوں ہو قلبِ مضطر میں
ہے مداوا اس کا بھی یارو ! حوضِ کوثر میں
سب نبی یہ کہتے ہیں ’’ اِذ ھبوا اِلیٰ غیری ‘‘
اور ’’ انالہا ‘‘ بھی ہے ادُّعائے سرور میں
زندگی کا یہ انجام کتنا جانفزا ہوگا
کاش مجھ کو موت آے یارو! کوئے سرور میں
مصطفیٰ جہاں پہنچے اور کون جا پاے
تاب جب نہیں اتنی جبرئیل کے پَر میں
نامِ پاکِ احمد کا عرش پر بھی چرچا ہے
دوجہان ہیں مصروف اُن کے ذکرِ اطہر میں
پُل سے تو تُو گذرے گا بے خطر مُشاہدؔ سُن
ہے صداے سلِّم جب لب پہ اُن کے محشر میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?