By: UA
خاموشیوں کا موسم سرگوشیوں کا موسم
ایک دردِ لا دوا ہے مدہوشیوں کا موسم
کھِلنے لگیں بہار سی کلیاں خزاؤں میں
صحرا میں بھٹکنے لگا گَل پوشیوں کا موسم
بہکی ہئی صبا ہے مہکی ہوئی فضا ہے
دونوں کے بیچ ٹھہرا گرمجوشیوں کا موسم
لو تارے نکل آئے اور چاند اَبھر آیا
خورشید کو لے ڈوبا روپوشیوں کا موسم
سورج نے سر نِکالا جیسے ہی رات بیتی
کِرنوں سے کہا پھر سے ہمدوشیوں کا موسم
جب تک جہاں رہے گا چلتا رہے گا یونہی
خاموشیوں کا موسم سرگوشیوں کا موسم
خاموشیوں کا موسم سرگوشیوں کا موسم
ایک دردِ لا دوا ہے مدہوشیوں کا موسم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?