By: Muhammad Siddique Prihar
کون کہتا ہے شبیر کو نہیں ملا پانی
لبِ حسین کو چومنے سے محروم رہا پانی
محصور ہوگیا تھا یزیدیوں کے پہرے میں
مجبوریوں پہ اپنی روتے روتے ہوئے بہا پانی
ایک قطرہ نہیں ملے گا کہا دشمن نے
فرمایا گر چاہوں میں ہوجائے کربلا پانی
پہنچ جاؤں گا ابھی اہلبیت کے خیموں میں
اس خوشی میں مشکیزہ میں جھومنے لگا پانی
شہید ہوگیا مشکیزہ اعداء کے تیروں سے
غم سے نڈھال روتا ہوا گر پڑا پانی
مانگے دوگھونٹ شیر خوار کیلئے حسین نے
مار دیا تیر معصوم کو نہ دیا پانی
گرچہ کمی نہیں تھی ظالم کے ظلم میں
عجیب صبر ہے آنکھوں سے نہ نکلا پانی
ملاوٹ ہے اس میں اہلبیت کے خون کی
حلق میں ان کے پھر کیسے اترتا پانی
پیاسے شہید ہوتے رہے مالک حوض کوثر کے
جنت میں فرشتوں نے انہیں پیش کیا پانی
کتنا بڑا احسانِ حسین ہے امتِ مصطفی پر
ورنہ دنیا میں نہ کسی کو ملتا پانی
پہنچائے گا ضرور جنت میں حب داروں کو
غمِ حسین میں صدیقؔ آنکھوں سے برستا پانی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?