By: muhammad nawaz
آنسو بن کر بہہ جاتے ہیں
سب زخموں کو سہہ جاتے ہیں
کرچی کرچی سوچیں انکی
بکھری بکھری باتیں انکی
چہرے پہ مسکان سجائے
سینے میں طوفان چھپائے
لب پہ جو آنے نہ پائیں
تعبیروں میں ڈھل نہ پائیں
وہ سب باتیں وہ سب سپنے
لفظوں میں یہ کہہ جاتے ہیں
ان کی باتیں انکے سپنے
تم کیا سمجھو تم کیا جانو
الفت کا منشور یہی ہے
دنیا کا دستور یہی ہے
جگ کی پیاس بجھانے والے
اکثر پیاسے رہ جاتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?