By: وشمہ خان وشمہ
عشق مجھ کو جو والہانہ ہوا
لہجہ اس کا بھی صوفیانہ ہوا
آج غیروں کے پاس بیٹھا ہے
میرا جس سے تھا عاشقانہ ہوا
آگ جلتی رہی مقدر میں
حملہ حسرت پہ قاتلانہ ہوا
پھول مرجھا گئے بہاروں میں
پھر بھی گلشن مرا خزاں نہ ہوا
میرے غم سے وہ کیوں شناسا ہو
جو تعارف ہی غائبانہ ہوا
سر کے نیچے یہ تیری یادوں کا
ایک بھیگا ہوا سرہانہ ہوا
چاند تارے تو ہاتھ تھے وشمہ
کیوں مقدر مرا ضیا نہ ہوا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?