By: Dr.Zahid Sheikh
رہ وفا میں مری چاہتوں کی منزل ہے
تو میرے دل کا سکوں، زندگی کا حاصل ہے
ترے بدن میں گلابوں سی بھینی خوشبو ہے
تری اداؤں میں اک بانکپن ہے،جادو ہے
نہیں ہے کوئی بھی تجھ سا حسیں یہ جان لیا
نظر میں تیرے ہی جلوے ہیں ، دل میں بس تو ہے
ترے خیال سے آباد دل کی محفل ہے
تو میرے دل کا سکوں، زندگی کا حاصل ہے
تجھے میں چاہوں گا شام و سحر مری جاناں
ترے لیے ہی تو ہے میری شاعری جاناں
ہے وعدہ اور نہ دل میں کوئی سمائے گا
یہ پہلا پیار ہے اور یہ ہی آخری جاناں
ترا ہی نام مری دھڑکنوں میں شامل ہے
تو میرے دل کا سکوں، زندگی کا حاصل ہے
رہ وفا میں مری چاہتوں کی منزل ہے
تو میرے دل کا سکوں، زندگی کا حاصل ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?