By: Farzana jana
آنکھ میں کوئی خواب رہنے دے
شاخ دل پر ’’گلاب رہنے دے‘‘
زرد رت ہے یہ بیت جائے گی
بس ہوا ہمرکاب رہنے دے
کوئی بجھنے لگا ہے تارہ اب
روشنی کا نصاب رہنے دے
سب پرندے ہیں کیوں پریشاں سے
موسموں کا حساب رہنے دے
میرے ساقی کہاں پہ گم ہے تو
جام میں کچھ شراب رہنے دے
میں نے اڑنا ہے آسمانوں پر
یہ پرندے،سحاب رہنے دے
پھول تو بے حساب ہیں جاناں
میں سجاؤں کتاب رہنے دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?