By: افضل الہ آبادی
تیرے جلووں کو روبرو کر کے
تجھ سے ملتے ہیں ہم وضو کر کے
تیرے کوچے سے لوٹ آئے ہم
اپنی آنکھیں لہو لہو کر کے
چاک دامن ہے چاک رہنے دے
کیا کرے گا اسے رفو کر کے
تیرے لہجے میں کیسا جادو ہے
ہم بھی دیکھیں گے گفتگو کر کے
اپنی دنیا لٹائے بیٹھا ہوں
یہ ملا تیری جستجو کر کے
کھو دیا ہے چراغ بھی افضلؔ
چاند تاروں کی آرزو کر کے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?