By: Mir Taqi Mir
سیر کر عندلیب کا احوال
ہیں پریشاں چمن میں کچھ پر و بال
تپِ غم تو گئی طبیب ولے
پھر نہ آیا کبھو مزاج بحال
سبزہ نورستہ رہ گزار کا ہوں
سر اُٹھایا کہ ہوگیا پامال
کیوں نہ دیکھوں چمن کو حسرت سے
آشیاں تھا مرا بھی یاں پر سال
ہجر کی شب کو یاں تئیں تڑپا
کہ ہوا صبح ہوتے میرا وصال
ہم تو سہ گزرے کج روی تیری
نہ نبھے گی پر اے فلک یہ چال
دیدہء تر پہ شب رکھا تھا میر
لکہء ابر سے مرا رومال
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?