By: Aisha Baig Aashi
نعت دل میں اترنے کی کیا بات ہے
آنکھ اور دل کے بھرنے کی کیا بات ہے
جس گلی سے گزرتے تھے آقا مرے
اُس گلی سے گزرنے کی کیا بات ہے
گو ! مدینے میں جینا حسیں ہے بہت
پر ! مدینے میں مرنے کی کیا بات ہے
ڈوب کر یادِ طیبہ میں بند آنکھ میں
سبز گنبد ابھرنے کی کیا بات ہے
دیکھ کر جالیاں اشک تھمتے نہیں
ایسے رخ کے نکھرنے کی کیا بات ہے
شہرِ آقا میں روضے کی اطراف میں
خاک بن کے بکھرنے کی کیا بات ہے
وہ یقیناً شفاعت کریں گے مری
حشر کے دن سے ڈرنے کی کیا بات ہے
عاشی نعتِ نبی کے طفیل اسطرح
عاقبت کے سنورنے کی کیا بات ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?