By: Muhammad Faisal
گر محبت جو کی نہیں ہوتی
ایسی حالت مری نہیں ہوتی
دل لگایا تو روگ پایا ہے
عاشقی دل لگی نہیں ہوتی
ہے کسک دل میں جاگزیں ورنہ
بے سبب بے کلی نہیں ہوتی
اشک پیہم نصیب ہوں جن کے
اُن لبوں پہ ہنسی نہیں ہوتی
غم رفیقِ حیات ٹھہرا ہے اب
خوشی سے خوشی نہیں ہوتی
وجہِ تسکیں اجل بنے تو بنے
مہرباں زندگی نہیں ہوتی
عشق پنہاں ہے میری فطرت میں
یونہی یہ شاعری نہیں ہوتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?