By: Azra Naz
جب سے تیری نظر میں رہتی ہوں
چاندنی کے نگر میں رہتی ہوں
خواہشوں کے اُڑن کھٹولے پر
ایک انجاں سفر میں رہتی ہوں
میں جسے اپنا کہہ نہیں سکتی
ایک ایسے ہی گھر میں رہتی ہوں
ہوں کبھی خوش تو میں کبھی غمگیں
دِل کے زیر و زبر میں رہتی ہوں
جِس کو میں بھی نہ چھوُ سکی اب تک
اُس دِلِ معتبر میں رہتی ہوں
مجھ کو اوروں کی کیا خبر ہو گی
خود سے بھی بے خبر میں رہتی ہوں
تم نے محسوس تو کیا ہوگا
میں تمہارے اثر میں رہتی ہوں
تارے گننے کے شوق میں عذرا
جاگتی رات بھر میں رہتی ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?