By: Fazlul Hasan
معمول زندگی کو شریعت میں ڈھال دے
الله کے رسول کی سیرت میں ڈھال دے
صوم و صلواتہ روز کی عادت میں ڈھال وے
شام و سحر کو وقت تلاوت میں ڈھال دے
ہم راہ مستقیم پہ چلتے رہیں سدا
جنت کی آرزو کو حقیقت میں ڈھال دے
قدموں میں والدین کے جنت دکھائی دے
حرص جہاں کو جذبہ خدمت میں ڈھال دے
غیبت سنیں کسی کی نہ غیبت زباں سے ہو
بغض و حسد خلوص و محبت میں ڈھال دے
چلتا رہوں میں دیکھتے قدموں کے بس نشاں
نقش قدم نبی کے بصیرت میں ڈھال دے
الله کے حضور جھکیں ہر کسی کے سر
ہر قوم کو رسول کی امت میں ڈھال دے
میدان حشر میں جو حسن کا حساب ہو
عشق نبی کو اس کی شفاعت میں ڈھال دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?