By: Ishraq Jamal Ashar Chishti
کھینچے گا بال کی وہ یہاں کھال دیکھنا
غربت میں پھانسنے کا نیاء جال دیکھنا
دھوکے سے لے کے آیا کمیں گاہ کی طرف
دلدل میں دھسنے والوں کا تم حال دیکھنا
عزت کے منہ پہ بھیک کا تھپڑ ہوا رسید
ذلت سے سرخ ہوتا ہوا گال دیکھنا
سالوں کی محنتوں کی بدولت بنا تھا جو
لٹتا ہوا سڑک پہ وہی مال دیکھنا
بیٹی تو کہہ رہا تھا حسینوں کو وہ مگر
منہ سے ٹپک رہی تھی مگر رال دیکھنا
خبروں سے کچھ غرض نہ طلب نوکری کی ہے
رشتوں کے اشتہار میں بس “ زال “ دیکھنا
زنخوں کا احتجاج کچلنے کے واسطے
ہاتھوں میں تھام کر وہ چلا ڈھال دیکھنا
مرغی کو خواب و خیال سے اپنے نکال دے
سپنے میں بھی یہاں پہ اشہر دال دیکھنا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?