By: WASHMA KHAN WASHMA
میں جب بولوں لبوں سے بس تمہارا غم نکلتا ہے
کوئی بھی اور قصہ اس زباں سے کم نکلتا ہے
در و دیوار سے گھر کے پلستر جس طرح اکھڑے
ہمارے زخمِ دل سے اس طرح مرہم نکلتا ہے
بدن پر زخم آ جاتے ہیں اس کے نرم کرنوں سے
اسی باعث وہ گھر سے چاندنی میں کم نکلتا ہے
توجہ ہو اگر تیری تو دل سرشار ہوتا ہے
اگر تو پھیر لے نظریں تو میرا دم نکلتا ہے
اٹھی ہے ہوک سی دل میں تمہارے لوٹ جانے پر
بہاروں کا ہمارے ہاتھ سے موسم نکلتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?