By: شہزاد حسین سائل(shahzad hussain sa'yl)
اس کے منہ سے سن کے ہم کو اپنا حال اچھا لگا
ڈھل گئی جب ہجر کی شب تو وصال اچھا لگا
ہم کو کیسے بن لیا تھا اس نے اپنے جال میں
توڑ ڈالا جب اسے تو ہم کو جال اچھا لگا
ڈھل گئی جب عمر میری تولگا میں سوچنے
جو تھا تیرے سنگ گزرا ہم کو سال اچھا لگا
بعد مدت ہم نے دیکھا جو اسے بازار میں
ہم کو اس کی سادگی میں بھی جمال اچھا لگا
اس کا یوں ہر بات پہ رکنا سمجھنا بولنا
ہم کو اس کی گفتگو میں اعتدال اچھا لگا
لوگ کہتے ہیں کے سائل تھا بہت مغرور شخص
سن کے لوگوں کا ہمیں ایسا خیال اچھا لگا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?